Translation: Click to toggle diacritical marks Click to open and empty search window Click to open lexicon Click to show Rahlfs Click to toggle definitions Click to hide morphology
1234567891011121314 

Verse 0 Προσευχὴ Μαριας τῆς θεοτόκου
Verse 46 Μεγαλύνει ἡ ψυχή μου τὸν κύριον
Verse 47 Καὶ ἠγαλλίασεν τὸ πνεῦμά μου ἐπὶ τω θεω τω σωτῆρί μου
Verse 48 Ὅτι ἐπέβλεψεν ἐπὶ τὴν ταπείνωσιν τῆς δούλης αὐτοῦ ἰδοὺ γὰρ ἀπὸ τοῦ νῦν μακαριοῦσίν με πᾶσαι αἱ γενεαί
Verse 49 Ὅτι ἐποίησέν μοι μεγαλεῖα ὁ δυνατός καὶ ἅγιον τὸ ὄνομα αὐτοῦ
Verse 50 Καὶ τὸ ἔλεος αὐτοῦ εἰς γενεὰν καὶ γενεὰν τοῖς φοβουμένοις αὐτόν
Verse 51 Ἐποίησεν κράτος ἐν βραχίονι αὐτοῦ διεσκόρπισεν ὑπερηφάνους διανοίᾳ καρδίας αὐτῶν
Verse 52 Καθεῖλεν δυνάστας ἀπὸ θρόνων καὶ ὕψωσεν ταπεινούς
Verse 53 Πεινῶντας ἐνέπλησεν ἀγαθῶν καὶ πλουτοῦντας ἐξαπέστειλεν κενούς
Verse 54 Ἀντελάβετο Ισραηλ παιδὸς αὐτοῦ μνησθῆναι ἐλέους
Verse 55 Καθὼς ἐλάλησεν πρὸς τοὺς πατέρας ἡμῶν τω Αβρααμ καὶ τω σπέρματι αὐτοῦ ἕως αἰῶνος
Verse 68 Εὐλογητὸς κύριος ὁ θεὸς τοῦ Ισραηλ ὅτι ἐπεσκέψατο καὶ ἐποίησεν λύτρωσιν τω λαω αὐτοῦ
Verse 68t Προσευχὴ Ζαχαριου
Verse 69 Καὶ ἤγειρεν κέρας σωτηρίας ἡμῖν ἐν τω οἴκω Δαυιδ τοῦ παιδὸς αὐτοῦ
Verse 70 Καθὼς ἐλάλησεν διὰ στόματος τῶν ἁγίων τῶν ἀπ αἰῶνος προφητῶν αὐτοῦ
Verse 71 Σωτηρίαν ἐξ ἐχθρῶν ἡμῶν καὶ ἐκ χειρὸς πάντων τῶν μισούντων ἡμᾶς
Verse 72 Ποιῆσαι ἔλεος μετὰ τῶν πατέρων ἡμῶν καὶ μνησθῆναι διαθήκης ἁγίας αὐτοῦ
Verse 73 Ὅρκον ὃν ὤμοσεν πρὸς Αβρααμ τὸν πατέρα ἡμῶν
Verse 74 Τοῦ δοῦναι ἡμῖν ἀφόβως ἐκ χειρὸς τῶν ἐχθρῶν ἡμῶν ρυσθέντας
Verse 75 Λατρεύειν αὐτω ἐν ὁσιότητι καὶ δικαιοσύνῃ ἐνώπιον αὐτοῦ πάσας τὰς ἡμέρας ἡμῶν
Verse 76 Καὶ σὺ δέ παιδίον προφήτης ὑψίστου κληθήσῃ προπορεύσῃ γὰρ πρὸ προσώπου κυρίου ἑτοιμάσαι ὁδοὺς αὐτοῦ
Verse 77 Τοῦ δοῦναι γνῶσιν σωτηρίας τω λαω αὐτοῦ ἐν ἀφέσει ἁμαρτιῶν ἡμῶν
Verse 78 Διὰ σπλάγχνα ἐλέους θεοῦ ἡμῶν ἐν οἱς ἐπεσκέψατο ἡμᾶς ἀνατολὴ ἐξ ὕψους
Verse 79 Ἐπιφᾶναι τοῖς ἐν σκότει καὶ σκια θανάτου καθημένοις τοῦ κατευθῦναι τοὺς πόδας ἡμῶν εἰς ὁδὸν εἰρήνης