Translation: Click to toggle diacritical marks Click to open and empty search window Click to open lexicon Click to show Rahlfs Click to toggle definitions Click to hide morphology
12345678910111213141516171819202122232425 
 26272829303132333435363738394041424344454647484950

Verse 1 Καὶ ἐκίνησεν ἐκεῖθεν Αβρααμ εἰς γῆν πρὸς λίβα καὶ ὠκησεν ἀνὰ μέσον Καδης καὶ ἀνὰ μέσον Σουρ καὶ παρωκησεν ἐν Γεραροις
Verse 2 Εἰπεν δὲ Αβρααμ περὶ Σαρρας τῆς γυναικὸς αὐτοῦ ὅτι ἀδελφή μού ἐστιν ἐφοβήθη γὰρ εἰπεῖν ὅτι γυνή μού ἐστιν μήποτε ἀποκτείνωσιν αὐτὸν οἱ ἄνδρες τῆς πόλεως δι αὐτήν ἀπέστειλεν δὲ Αβιμελεχ βασιλεὺς Γεραρων καὶ ἔλαβεν τὴν Σαρραν
Verse 3 Καὶ εἰσῆλθεν ὁ θεὸς πρὸς Αβιμελεχ ἐν ὕπνω τὴν νύκτα καὶ εἰπεν ἰδοὺ σὺ ἀποθνησκεις περὶ τῆς γυναικός ἡς ἔλαβες αὕτη δέ ἐστιν συνωκηκυῖα ἀνδρί
Verse 4 Αβιμελεχ δὲ οὐχ ἥψατο αὐτῆς καὶ εἰπεν κύριε ἔθνος ἀγνοοῦν καὶ δίκαιον ἀπολεῖς
Verse 5 Οὐκ αὐτός μοι εἰπεν ἀδελφή μού ἐστιν καὶ αὐτή μοι εἰπεν ἀδελφός μού ἐστιν ἐν καθαρα καρδίᾳ καὶ ἐν δικαιοσύνῃ χειρῶν ἐποίησα τοῦτο
Verse 6 Εἰπεν δὲ αὐτω ὁ θεὸς καθ ὕπνον κἀγὼ ἔγνων ὅτι ἐν καθαρα καρδίᾳ ἐποίησας τοῦτο καὶ ἐφεισάμην ἐγώ σου τοῦ μὴ ἁμαρτεῖν σε εἰς ἐμέ ἕνεκεν τούτου οὐκ ἀφῆκά σε ἅψασθαι αὐτῆς
Verse 7 Νῦν δὲ ἀπόδος τὴν γυναῖκα τω ἀνθρώπω ὅτι προφήτης ἐστὶν καὶ προσεύξεται περὶ σοῦ καὶ ζήσῃ εἰ δὲ μὴ ἀποδίδως γνῶθι ὅτι ἀποθανη σὺ καὶ πάντα τὰ σά
Verse 8 Καὶ ὤρθρισεν Αβιμελεχ τὸ πρωὶ καὶ ἐκάλεσεν πάντας τοὺς παῖδας αὐτοῦ καὶ ἐλάλησεν πάντα τὰ ρήματα ταῦτα εἰς τὰ ὠτα αὐτῶν ἐφοβήθησαν δὲ πάντες οἱ ἄνθρωποι σφόδρα
Verse 9 Καὶ ἐκάλεσεν Αβιμελεχ τὸν Αβρααμ καὶ εἰπεν αὐτω τί τοῦτο ἐποίησας ἡμῖν μή τι ἡμάρτομεν εἰς σέ ὅτι ἐπήγαγες ἐπ ἐμὲ καὶ ἐπὶ τὴν βασιλείαν μου ἁμαρτίαν μεγάλην ἔργον ὃ οὐδεὶς ποιήσει πεποίηκάς μοι
Verse 10 Εἰπεν δὲ Αβιμελεχ τω Αβρααμ τί ἐνιδὼν ἐποίησας τοῦτο
Verse 11 Εἰπεν δὲ Αβρααμ εἰπα γάρ ἄρα οὐκ ἔστιν θεοσέβεια ἐν τω τόπω τούτω ἐμέ τε ἀποκτενοῦσιν ἕνεκεν τῆς γυναικός μου
Verse 12 Καὶ γὰρ ἀληθῶς ἀδελφή μού ἐστιν ἐκ πατρός ἀλλ οὐκ ἐκ μητρός ἐγενήθη δέ μοι εἰς γυναῖκα
Verse 13 Ἐγένετο δὲ ἡνίκα ἐξήγαγέν με ὁ θεὸς ἐκ τοῦ οἴκου τοῦ πατρός μου καὶ εἰπα αὐτη ταύτην τὴν δικαιοσύνην ποιήσεις ἐπ ἐμέ εἰς πάντα τόπον οὑ ἐὰν εἰσέλθωμεν ἐκεῖ εἰπὸν ἐμὲ ὅτι ἀδελφός μού ἐστιν
Verse 14 Ἔλαβεν δὲ Αβιμελεχ χίλια δίδραχμα πρόβατα καὶ μόσχους καὶ παῖδας καὶ παιδίσκας καὶ ἔδωκεν τω Αβρααμ καὶ ἀπέδωκεν αὐτω Σαρραν τὴν γυναῖκα αὐτοῦ
Verse 15 Καὶ εἰπεν Αβιμελεχ τω Αβρααμ ἰδοὺ ἡ γῆ μου ἐναντίον σου οὑ ἐάν σοι ἀρέσκῃ κατοίκει
Verse 16 Τη δὲ Σαρρα εἰπεν ἰδοὺ δέδωκα χίλια δίδραχμα τω ἀδελφω σου ταῦτα ἔσται σοι εἰς τιμὴν τοῦ προσώπου σου καὶ πάσαις ταῖς μετὰ σοῦ καὶ πάντα ἀλήθευσον
Verse 17 Προσηύξατο δὲ Αβρααμ πρὸς τὸν θεόν καὶ ἰάσατο ὁ θεὸς τὸν Αβιμελεχ καὶ τὴν γυναῖκα αὐτοῦ καὶ τὰς παιδίσκας αὐτοῦ καὶ ἔτεκον
Verse 18 Ὅτι συγκλείων συνέκλεισεν κύριος ἔξωθεν πᾶσαν μήτραν ἐν τω οἴκω τοῦ Αβιμελεχ ἕνεκεν Σαρρας τῆς γυναικὸς Αβρααμ